Ol Toksave

◼ Samting bilong tilim long Novemba: Tru Tru Baibel i Tok Wanem? na ol olpela buk i gat 192 pes o ol narapela buk em ol i bin prinim paslain long 1995, em ol buk bilong ol narapela tok ples tu em kongrigesen i holim yet. Disemba: Nambawan Man Tru i Winim Olgeta Narapela Man. Sapos i gat ol pikinini i stap long haus, tilim Kisim Skul Long Bikpela Tisa. Janueri: Tru Tru Baibel i Tok Wanem? na ol olpela buk i gat 192 pes o ol narapela buk em ol i bin prinim paslain long 1995, em ol buk bilong ol narapela tok ples tu em kongrigesen i holim yet. Februeri: Rot Bilong Famili i Ken Stap Amamas.

◼ Yupela i ken senisim sediul bilong miting bilong wik paslain long “Was i Stap!” Kibung Distrik, na skelim ol samting bilong kibung yumi mas tingim. Wanpela o tupela mun bihain long kibung, mekim wok long hap, Tok Bilong Helpim Kongrigesen, na stori long ol poin bilong kibung em ol pablisa i tingim olsem i gutpela bilong helpim ol long wok autim tok.

◼ Putim gut namel pepa i gat ol askim bilong stadi long buk Kisim Skul Long Bikpela Tisa bilong yusim long Baibel Stadi Bilong Kongrigesen long ol wik i kam.

◼ Olsem toksave i stap long Wok Kingdom bilong Julai 2008 i kamapim, buk Baibel i Tok em i nambawan tul bilong kirapim na mekim ol Baibel stadi long en. Tasol nau mipela i pasim tok olsem ol pablisa long Papua Niugini i ken mekim wok yet long buklet God i Laik Yumi Mas Mekim Wanem? long Hiri Motu na Tok Pisin bilong kirapim na mekim ol Baibel stadi paslain long ol i stadi long buk Baibel i Tok, sapos ol i pilim olsem dispela rot i wok gut moa bilong helpim ol man i gat laik long harim tok. Olsem na ol kongrigesen i ken wok yet long putim oda long buklet God i Laik Yumi Mas Makim Wanem? long Hiri Motu, Tok Pisin, na Motu, inap long taim mipela i mekim narapela toksave long dispela samting. Yupela i ken tilim buklet God i Laik Yumi Mas Mekim Wanem? long tok Inglis inap long taim dispela buklet i pinis.

◼ Kongrigesen i ken kirap nau na putim oda bilong volium bilong The Watchtower na Awake! bilong 2009, Watch Tower Publications Index 2009, na Watchtower Library​—⁠2009 Edition long CD–ROM wantaim oda bilong neks mun. Tingim: Watchtower Library​—⁠2009 Edition em i bilong ol bratasista i baptais pinis tasol na ol inap kisim long rot bilong kongrigesen tasol. Ol pablisa em planti taim ol i save yusim Watchtower Library na ol i no yusim moa ol volium i mas skelim olsem ol i mas putim oda long ol volium o nogat. I no gat ol volium long Hiri Motu na Tok Pisin.