Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Jun 28, 2010. Wasman skul bai mekim riviu inap 20 minit long ol tok i bin kamap insait long skul long wik i kirap long Me 3 i go inap long Jun 28, 2010.
1. Yumi inap kisim wanem skul long pasin bilong Devit long krai sori long Apner? (2 Sml. 3:31-34) [w05 5/15 p. 17 par. 6; w06 7/15 p. 21 par. 9-10]
2. Profet Natan i mekim wanem popaia? Bilong wanem Jehova i no sakim Natan olsem wanpela profet bilong em? (2 Sml. 7:3) [rs p. 377 par. 1]
3. Tok bilong 2 Samuel 7:14 olsem “em bai stap pikinini bilong mi,” i makim husat? [bsi00 p. 20 par. 31]
4. Olsem wanem pasin Devit i mekim long Mefiboset i kamapim klia gutpela-pasin-sori bilong Devit? Dispela i mas mekim wanem long yumi? (2 Sml. 9:7) [w02 5/15 p. 19 par. 5]
5. Yumi inap kisim wanem skul long pasin pren i stap namel long Itai bilong Get na King Devit? (2 Sml. 15:19-22) [w09 5/15 p. 27-28]
6. Olsem wanem stori bilong Baibel i helpim yumi long luksave olsem tok Siba i sutim long Mefiboset, em i tok giaman? (2 Sml. 16:1-4) [w02 2/15 p. 14-15 par. 11, futnot.]
7. Taim Devit i askim Barsilai husat i gat 80 krismas long i kam i stap long haus king, bilong wanem Barsilai i tokim Devit long kisim Kimham? (2 Sml. 19:33-37) [w07 6/1 p. 24 par. 13]
8. Olsem wanem pasin daun bilong Jehova i mekim Devit i gat biknem tru? (2 Sml. 22:36) [w07 11/1 p. 5 par. 2; w04 11/1 p. 29]
9. Bilong wanem Adoniya i laik kisim wok king taim Devit i stap laip yet? (1 Kin. 1:5, 6) [w05 7/1 p. 28 par. 5]
10. Bilong wanem Jehova i harim beten bilong Solomon taim em i askim long gutpela savetingting na pasin bilong skelim gut ol wok? (1 Kin. 3:9) [w05 7/1 p. 30 par. 2]