Ol Tok Bilong Tilim Ol Nius

Wastaua Janueri 1

Ritim Stat 2:​16, 17. Yu ken tok: “Sampela man i tok olsem God i save pinis olsem Adam bai mekim sin. Sampela narapela i ting olsem sapos God i save pinis long samting bai painim Adam tupela Iv, orait em i mekim pasin i no stret taim em i givim tok lukaut long tupela. Yu gat wanem tingting? [Larim man i bekim tok.] Stori i stap long pes 13 bilong dispela magasin i stori long olsem wanem God i yusim strong bilong em long save long ol samting bai kamap bihain.”

Awake! Janueri

“Sampela man i ting olsem samting ol man i pilim long bel i as bilong ol bilip bilong lotu bilong ol, na i no gat wok long ol i skelim skelim bilip bilong ol. Yu gat wanem tingting? [Larim man i bekim tok.] Tasol Baibel i kamapim klia olsem yumi no ken bilip nating long wanpela samting. [Ritim 1 Jon 4:⁠1.] Stori i stap long pes 28 i stori long samting yumi ken mekim bilong save bilip bilong yumi i gat as tru bilong en o nogat.”

Wastaua Februeri 1

“Pasin bilong katim marit i bikpela long nau. Yu ting i gat wanem as tru na ol marit i divos? [Larim man i bekim tok.] Lukim dispela tok i bin helpim planti marit. [Ritim 1 Korin 10:24.] Dispela magasin i stori long 6-pela samting em ol man na meri marit i save komplein planti long en. Na tu, dispela magasin i stori long olsem wanem pasin bilong bihainim ol stiatok bilong Baibel inap helpim ol.”

Kirap! Janueri-Mas

“Planti taim yumi save harim stori bilong ol manmeri em poroman marit bilong ol, o lain politik, o ol narapela i bin giamanim ol. Olsem wanem? Yu ting i hatwok long painim ol man em yu inap trastim ol? [Larim man i bekim tok.] Planti i pilim olsem dispela skripsa i wok long kamap tru long nau. [Ritim 2 Timoti 3:​1-5.] Dispela magasin i kamapim klia olsem i gat ol man em yu inap trastim ol.”