Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Februeri 28, 2011. Wasman skul bai mekim riviu inap 20 minit long ol tok i bin kamap insait long skul long wik i kirap long Janueri 3 i go inap long Februeri 28, 2011.
1. Taim Hesekia i kirap mekim wok king, em i kirapim wanem wok? Olsem wanem yumi ken bihainim pasin bilong em long nau? (2 Sto. 29:16-18) [w09 6/15 p. 9 par. 13]
2. Olsem wanem tok i stap long 2 Stori 36:21 i truim tok profet i stap long Jeremaia 25:8-11? [w06 11/15 p. 32 par. 1-4]
3. Baibel i bin tok profet olsem Jerusalem bai i stap nating inap 70 yia. Olsem wanem tok bilong Esra 3:1-6 i kamapim klia olsem dispela 70 yia i pinis long taim stret bilong en? [w06 1/15 p. 19 par. 2]
4. Bilong wanem Esra i kirap nogut taim em i kisim save olsem ol Israel i marit long ol narapela lain? (Esr. 9:1-3) [w06 1/15 p. 20 par. 1]
5. Ol “hetman” ol i husat? Wanem pasin bilong ol yumi no ken bihainim? (Neh. 3:5) [w06 2/1 p. 9 par. 7; w86-E 2/15 p. 25]
6. Olsem wanem Gavena Nehemia i stap gutpela piksa ol wasman Kristen i ken bihainim? (Neh. 5:14-19) [bsi01 p. 11 par. 16]
7. Olsem ol lain Israel long taim bilong Nehemia, yumi ken mekim wanem na bai yumi no lusim wok bilong lukautim “haus bilong God”? (Neh. 10:32-39) [w98 10/15 p. 21 par. 12]
8. Taim yumi tingim pasin Nehemia i bin bihainim, dispela inap kirapim yumi long mekim wanem ol askim? (Neh. 13:31) [w96 9/15 p. 16 par. 3]
9. Olsem wanem? Esta i bin slip wantaim King Serksis taim tupela i no marit yet? (Est. 2:14-17) [w91 5/1 p. 31 par. 6]
10. Bilong wanem Mordekai i no laik brukim skru long Haman? (Est. 3:2, 4) [w06 3/1 p. 9; it-2-E p. 431 par. 7]