Ol Toksave

◼ Samting bilong tilim long Mas: Tru Tru Baibel i Tok Wanem? Wok strong long statim ol Baibel stadi. Epril na Me: Wastaua na Kirap! Taim yumi mekim gobek long ol man i gat laik long harim tok, na ol man i bin kam long Memorial na kibung samting, tasol ol i no save bung oltaim wantaim kongrigesen, yumi mas wok strong long kirapim Baibel stadi long rot bilong tilim buk Baibel i Tok. Jun: Tru Tru Baibel i Tok Wanem?

◼ Kirap long February 2011 mipela bai kisim ol tok bilong Ol Skripsa Grik long Nupela Taim Baibel; tasol taim mipela i kisim long Buk Baibel, mipela bai putim BB. Na ol tok bilong Ol Skripsa Hibru mipela bai kisim long Buk Baibel; tasol taim mipela i kisim long New World Translation mipela bai putim NW.

◼ Long Ogas long wanpela Miting Bilong Wok, bai yumi stori long DVD Jehovah’s Witnesses​—Organized to Share the Good News. Sapos yupela i no gat dispela DVD, plis putim oda hariap long rot bilong kongrigesen.

◼ Long Sande, Epril 17, de bilong Memorial, bai yumi no mekim ol narapela miting, bai yumi mekim tasol bung bilong autim tok. Ol kongrigesen i save mekim ol miting long dispela de, ol i ken mekim miting long narapela de bilong wik.