Gutpela Ripot Bilong Autim Tok

Long Disemba las yia, planti gutpela samting i kamap long ol kibung distrik bilong yumi hia long PNG. Inap 12-pela kibung distrik i kamap na 12,213 manmeri i bung, na 141 i baptais. Brata Geoff Jackson, memba bilong Gavening Bodi i mekim toksave bilong Nupela Taim Baibel Matyu–Revelesen. Ol manmeri long 8-pela narapela Tok Pisin kibung i harim tok bilong Brata Jackson long rot bilong telefon. Yumi bai amamas long save olsem 10,900 Nupela Taim Baibel i stap pinis long han bilong ol manmeri; 8,900 long Tok Pisin na 2,000 long Hiri Motu.