Yu Bin Askim Sumatin Long Wanpela i Laik Stadi?

Sapos yu stadi long Baibel wantaim wanpela man o meri, i gutpela yu askim em long em i save long wanpela pren o wanblut o narapela man i gat laik long kisim save long Baibel. Planti taim sumatin bai kolim sampela nem. Yu ken askim sumatin long em i orait long yu kolim nem bilong em taim yu go lukim ol dispela man na tokim ol olsem yu laik stadi wantaim ol long Baibel. Yu ken tok, “[Nem bilong sumatin] i amamas long stadi long Baibel, na em i ting yu tu bai amamas long kisim gutpela helpim long rot bilong fri Baibel stadi.” Orait mekim wok long buk Baibel i Tok na soim em long pasin bilong stadi.

Sapos man yu stadi wantaim em i wok long kamap strong, orait yu ken kirapim em long stori long ol pren na famili bilong em long pasin bilong stadi. Em i ken singautim ol i kam sindaun long stadi bilong yutupela. Sapos ol i no inap kam, orait sumatin i ken stretim rot bilong yu long bungim ol long narapela taim na soim ol long pasin bilong stadi. Taim yu kirapim sumatin long mekim olsem, dispela bai strongim em long tokim ol narapela long ol samting em i lainim.

Ol man yu save mekim gobek long ol, ol tu inap tokim yu long sampela man i laik stadi, maski ol yet i no kirap yet long stadi. Taim yu givim ol buk Baibel i Tok, yu ken tok, “Yu save long sampela em ol bai i gat laik long kisim dispela buk?”

Yumi save taim i sot pinis, olsem na yumi laik mekim wok long kain kain rot bilong helpim ol manmeri long harim na bilip long gutnius. Olsem wanem? Yu bin askim sumatin long wanpela i laik stadi?

This article is a repeat from km 4/06 and km 07/08 taken from km-E 4/06 ”Do You Ask For Referrals?”