Riviu Bilong Skul Tiokratik Bilong Autim Tok

Bai yumi skelim ol dispela askim long Skul Tiokratik Bilong Autim Tok long wik i kirap long Disemba 26, 2011.

1. Olsem wanem tok i stap long Sindaun 30:33 inap helpim famili na ol liklik kros i no ken kamap bikpela kros? [w08 2/1 p. 19 par. 4]

2. Wanem kain “amamas” i no mekim bel bilong man i stap gut? (Sav. 2:1) [g 7/06 p. 6 par. 1-2]

3. Sampela man i ting olsem tok bilong Solomon long Saveman 3:1-9 i sapotim tingting olsem God i makim pinis olgeta samting i kamap long laip bilong man, tasol olsem wanem tok em i raitim long Saveman 9:11 i givim stretpela tingting, olsem God i no makim olgeta samting i kamap long laip bilong man? [w09 3/1 p. 4 par. 4]

4. Wanem samting inap kamap sapos man i ting em i “stretpela man tumas”? (Sav. 7:16, NW ) [w10 10/15 p. 9 par. 8-9]

5. Olsem wanem Song Bilong Solomon 2:7 i soim olsem ol lain i tingting long marit, ol i bihainim savetingting taim ol i no hariap tumas long makim poroman? [w06 11/15 p. 19 par. 1; w80-E 4/15 p. 19 par. 7]

6. Bilong wanem wasman bilong sipsip i tok gras bilong meri Sulam i olsem “wanpela lain meme”? (Sol. 4:1; 6:5) [w06 11/15 p. 19 par. 5]

7. Olsem wanem ol biknem olsem “Man bilong givim gutpela tingting tru” na “Papa bilong i stap oltaim oltaim” i givim save long yumi long ol pasin bilong Jisas na wok king bilong em long nupela taim? (Ais. 9:6) [w07 5/15 p. 6 par. 3, 4]

8. Wanem insait bilong dispela tok bilong Aisaia: “Bikpela, mi bai mekim dispela wok i go inap wanem taim?” (Ais. 6:11) [w06 12/1 p. 9 par. 2]

9. Bilong wanem tok profet bilong Aisaia olsem “i no gat wanpela man bai i stap” long Babilon i narakain tru? Truim bilong dispela tok profet i strongim yumi long bilip long wanem samting? (Ais. 13:19, 20) [g-E 11/07 p. 9 par. 4-5; w89 1/1 p. 31 par. 5, 6; bh p. 23 par. 16.]

10. Jisas i kisim “ki bilong Devit” long wanem taim? Em i yusim dispela ki olsem wanem? (Ais. 22:22) [w09 1/15 p. 31 par. 2]