Gutpela Ripot Bilong Autim Tok

I gat 1,500 Filipino i kam wok long LNG, olsem na Filipino grup long Pot Mosbi i laik go autim tok long ol. Ol i kisim tok orait bilong go autim tok long LNG kompaun long Rearea, olsem na long Novemba 6, 2011, ol i go autim tok long dispela hap. Planti i harim tok. Tupela wik bihain ol i go long dispela kompaun na mekim Pablik Tok na Stadi Wastaua. Na 16 bilong ol dispela Filipino ol i kam harim tok na ol i laik stadi long Baibel. Planti bilong ol i no bin harim gutnius bipo, long wanem, ol i save go wok long ol narapela kantri na ol i stap long kompaun we i tambu long ol narapela lain i go insait. Gutpela tru long ol i kam long PNG, na nau rot i op long ol i harim gutnius bilong Kingdom Bilong God.