Ol Toksave

◼ Samting bilong tilim long Epril na Me: Wastaua na Kirap! Taim yumi bungim man i laik harim tok, givim em liklik nius Yu Laik Save Long Tok i Tru? na wok strong long kirapim Baibel stadi. Taim yumi mekim gobek long ol man i bin kam long Memorial na kibung samting, tasol ol i no save bung oltaim wantaim kongrigesen, yumi mas tingting strong long kirapim Baibel stadi wantaim ol long buk Baibel i Tok. Jun: Tru Tru Baibel i Tok Wanem? Wok strong long kirapim Baibel stadi long namba 1 taim yu bungim man. Sapos man bilong haus i gat dispela buk pinis na em i no laik stadi, orait pablisa i ken tilim wanpela olpela magasin o buklet i stori long ol samting man bilong haus i laik save long en. Julai na Ogas: Wanpela bilong ol dispela buklet: Tru God i Save Tingim Yumi?, Yumi Stap Bilong Mekim Wanem—Yu Ken Save Olsem Wanem?, Tewel Bilong Ol Daiman—Yu Ting Ol Inap Helpim Yu o Nogutim Yu? Tru Ol i Stap o Nogat? Taim yu go bek lukim man, tilim buk Baibel i Tok, o sapos i stret moa long man, tilim buklet Harim Tok Bilong God o Harim Tok Bilong God na Stap Oltaim, na traim long kirapim Baibel stadi.

◼ Taim yu laik raun long narapela kantri na yu laik go long kibung distrik, yu inap kisim save long ol kibung long Web-sait jw.org, na klikim tok Conventions aninit long Lookup tab.