Ol Toksave

◼ Samting bilong tilim long Me: Wastaua na Kirap! Taim yumi bungim man i laik harim tok, givim em liklik nius Yu Laik Save Long Tok i Tru? na wok strong long kirapim Baibel stadi. Taim yumi mekim gobek long ol man i bin kam long Memorial na kibung samting, tasol ol i no save bung oltaim wantaim kongrigesen, yumi mas tingting strong long kirapim Baibel stadi wantaim ol long buk Baibel i Tok. Jun: Tru Tru Baibel i Tok Wanem? Wok strong long kirapim Baibel stadi long namba 1 taim yu bungim man. Sapos man bilong haus i gat dispela buk pinis na em i no laik stadi, orait pablisa i ken tilim wanpela olpela magasin o buklet i stori long ol samting man bilong haus i laik save long en. Julai na Ogas: Tilim buklet Harim Tok Bilong God o Harim Tok Bilong God na Stap Oltaim, long tokples i stret long man na traim long kirapim Baibel stadi. Na tu, ol pablisa i ken tilim wanpela buklet i stori long ol samting man bilong haus i laik save long en. Taim yu go bek lukim man na sapos yu pilim i stret long en orait yu ken tilim buk Baibel i Tok, na traim long kirapim Baibel stadi.