Ol Toksave

◼ Samting bilong tilim long Julai na Ogas: Tilim buklet Harim Tok Bilong God o Harim Tok Bilong God na Stap Oltaim, long tokples i stret long man na traim long kirapim Baibel stadi. Na tu, ol pablisa i ken tilim wanpela buklet i stori long ol samting man bilong haus i laik save long en. Taim yu go bek lukim man na sapos yu pilim i stret long en, orait yu ken tilim buk Baibel i Tok. Septemba na Oktoba: Wastaua na Kirap! Taim yu go bek lukim man, yu ken tilim buk Baibel i Tok o sapos yu pilim i stret long en, tilim buklet Harim Tok Bilong God o Harim Tok Bilong God na Stap Oltaim na traim long kirapim Baibel stadi.

◼ Long Ogas 1 ol bai putim Sing to Jehovah—Vocal Renditions, Disc 5 long Web sait jw.org. Ol bai putim long tok Inglis pastaim na bihain ol bai putim long ol narapela tokples tu. Yu ken putim oda long kongrigesen bilong yu long kisim CD bilong en. Pe bilong kisim ol samting long rot bilong Web sait bilong yumi i no bikpela pe tumas olsem pe bilong wokim na salim ol CD long rot bilong sip, olsem na sapos inap mipela i laik kirapim yupela long kisim long rot bilong Web sait bilong yumi. Nau yu inap kisim CD 1-4.