Gutpela Ripot Bilong Autim Tok

Tupela sevan bilong wokim Haus Kingdom i bin raun long PMV inap 7-pela aua na wokabaut inap 3-pela aua bilong kamap long wanpela longwe ples na wokim Haus Kingdom, long Amber, long Madang Provins. Dispela brata na meri bilong en i go i kam long dispela ples inap 3-pela taim bilong kisim ol samting bilong wokim Haus Kingdom. Ol brata long ples i bin helpim ol long karim olgeta timba samting bilong wokim Haus Kingdom, na ol i wokabaut i go olgeta long dispela ples. Ol i wokim Haus Kingdom insait long 2-pela mun, na ol i pinisim long taim stret bilong tilim invatesen pepa bilong Memorial. Inap olsem 1,408 manmeri i bin go long Memorial. Dispela kongrigesen long Amber i gat 88 pablisa, 2-pela painia oltaim na inap olsem 206 i save go long ol miting long Sande. Long sait bilong Memorial, mipela amamas long tokaut olsem long kantri olgeta i bin i gat 28,909 manmeri i bin go long Memorial long dispela yia, em 2.8 pesen moa long yia i go pinis.