Ol Toksave
◼ Samting bilong tilim long Oktoba: Wastaua na Kirap! Taim yu go bek lukim man, yu ken tilim buk Baibel i Tok o sapos yu pilim i stret long en, tilim buklet Harim Tok Bilong God o Harim Tok Bilong God na Stap Oltaim na traim long kirapim Baibel stadi. Novemba na Disemba: Mekim wok long wanpela bilong ol dispela liklik nius: Bilong Mekim Gut Bel Bilong Man i Stap Bel Hevi, Amamas Wantaim Famili Bilong Yu, I Gat Gutpela Samting Bai Painim Ol Man i Dai Pinis, Jehova—Em i Husat?, Krais Jisas—Em i Husat?, Gutpela Sindaun Long Nupela Taim, Olgeta Pen na Hevi Klostu Bai Pinis, Husat Tru i Bosim Dispela Graun?, na Yu Laik Save Long Tok i Tru? Sapos man i laik harim tok, orait yusim buk Baibel i Tok o wanpela bilong ol buklet Harim Tok Bilong God o Harim Tok Bilong God na Stap Oltaim na soim pasin bilong kirapim Baibel stadi. Janueri: Kamapim ol hap bilong ol buklet Harim Tok Bilong God o Harim Tok Bilong God na Stap Oltaim long tokples i stret long man, na traim long kirapim Baibel stadi. Tasol pablisa i mas tilim buklet em man i gat laik long en. Taim yu mekim gobek, sapos yu pilim i stret long man, orait stori long buk Baibel i Tok na tilim.
◼ Miting bilong International Bible Students Association of Papua New Guinea Incorporated i save kamap long olgeta yia, em bai kamap long brens ofis long Sarere, Oktoba 6, 2012, long 4 klok apinun.
◼ Kirap long Janueri 2013, ol bai wokim nius Kirap! bilong Tok Pisin i gat 16 pes long en, na bai yumi kisim long olgeta mun. Ol kongrigesen na grup i mas skelim ol oda bilong ol bilong nau na mekim sampela senis long en, long wanem, i gat dispela senis i kamap long Kirap! Ating yupela i mas daunim namba bilong oda bilong Kirap! em nau yupela i save kisim 4-pela taim long yia, long wanem, long sampela mun bihain bai yupela i kisim dispela magasin long olgeta mun. Bai yupela i kisim yet Wastaua bilong pablik long Tok Pisin long olgeta mun. Wastaua bilong pablik long tok Hiri Motu, em Gima Kohorona, em ol i save kisim 4-pela taim long yia, nau ol bai wokim na i gat 16 pes long en.