Ol Toksave

◼ Samting bilong tilim long Disemba: Mekim wok long wanpela bilong ol dispela liklik nius: Bilong Mekim Gut Bel Bilong Man i Stap Bel Hevi, Amamas Wantaim Famili Bilong Yu, I Gat Gutpela Samting Bai Painim Ol Man i Dai Pinis, Jehova—Em i Husat?, Krais Jisas—Em i Husat?, Gutpela Sindaun Long Nupela Taim, Olgeta Pen na Hevi Klostu Bai Pinis, Husat Tru i Bosim Dispela Graun?, na Yu Laik Save Long Tok i Tru? Sapos man i laik harim tok, orait yusim buk Baibel i Tok o wanpela bilong ol buklet Harim Tok Bilong God o Harim Tok Bilong God na Stap Oltaim na soim pasin bilong kirapim Baibel stadi. Janueri na Februeri 2013: Kamapim ol narapela narapela buklet Harim Tok Bilong God o Harim Tok Bilong God na Stap Oltaim, long tokples we i stret long man, na traim long kirapim Baibel stadi. Tasol pablisa i ken tilim wanpela buklet we i stret long man. Taim yu mekim gobek, na sapos i stret long man bilong haus, tilim buk Baibel i Tok. Mas: Wastaua na Kirap! Taim yu mekim gobek, tilim buk Baibel i Tok o tilim samting i stret long man bilong haus, olsem buklet Harim Tok Bilong God o Harim Tok Bilong God na Stap Oltaim, na wok strong long kirapim Baibel stadi.

◼ Long ol wik bilong kibung distrik, kibung sekit, na spesel de kibung , ol kongrigesen bai no gat Baibel Stadi Bilong Kongrigesen, Skul Tiokratik Bilong Autim Tok, na Miting Bilong Wok. Long dispela as na mipela i kirapim yupela wan wan long skelim ol buk samting bilong stadi long dispela 3-pela miting taim yupela i mekim stadi bilong yupela yet o taim yupela i mekim Famili Lotu.

◼ Memorial bilong 2013 bai kamap long Tunde, Mas 26, na Memorial bilong 2014 bai kamap long Mande, Epril 14.

◼ Ol pablisa husat i mekim painia haptaim long mun Mas 2013, ol i ken makim olsem ol bai kisim 30 aua o 50 aua long dispela mun. Na tu, sapos wasman sekit i kam lukim kongrigesen long Mas, orait olgeta painia haptaim ol tu i ken insait long miting olgeta bilong ol painia oltaim wantaim wasman sekit.