Ol Toksave

◼ Samting bilong tilim long Mas na Epril: Wastaua na Kirap! Taim yu mekim gobek, tilim buk Baibel i Tok o tilim samting i stret long man bilong haus, olsem buklet Harim Tok Bilong God o Harim Tok Bilong God na Stap Oltaim, na wok strong long kirapim Baibel stadi. Me na Jun: Mekim wok long wanpela bilong ol dispela liklik nius: Bilong Mekim Gut Bel Bilong Man i Stap Bel Hevi, Amamas Wantaim Famili Bilong Yu, I Gat Gutpela Samting Bai Painim Ol Man i Dai Pinis?, Jehova—Em i Husat?, Krais Jisas—Em i Husat?, Gutpela Sindaun Long Nupela Taim, Pen na Hevi Bai Pinis, Husat Tru i Bosim Dispela Graun?, na Save Long Tok i Tru? Sapos man i laik harim tok, orait yusim buk Baibel i Tok o wanpela bilong ol buklet Harim Tok Bilong God o Harim Tok Bilong God na Stap Oltaim na soim pasin bilong kirapim Baibel stadi.

◼ Memorial bai kamap long Tunde, Mas 26, 2013. Sapos kongrigesen bilong yupela i save mekim miting long Tunde, orait senisim dispela miting i go long narapela de bilong wik sapos narapela kongrigesen i no mekim miting bilong ol long dispela de. Sapos yupela i no inap mekim Miting Bilong Wok, orait kodineta bilong lain elda i ken stretim rot na sampela hap bilong dispela miting we i stret bilong helpim kongrigesen yupela i ken bungim wantaim narapela miting long dispela mun. Ol kongrigesen em wasman sekit i kam lukim ol, ol i mas putim ol miting em ol i save mekim long Tunde i go long narapela de bilong wik bilong sekit visit.

◼ Long wik i kirap long Ogas 5, 2013, bai yumi kirap long mekim Baibel Stadi Bilong Kongrigesen long buk “Autim Gut Tru” Tok Bilong Kingdom Bilong God. Ol kongrigesen i mas putim oda bilong kisim dispela buk wantaim oda bilong neks mun.