Ol Toksave

◼ Samting bilong tilim long Epril: Wastaua na Kirap! Taim yu mekim gobek, tilim buk Baibel i Tok o tilim samting i stret long man bilong haus, olsem buklet Harim Tok Bilong God o Harim Tok Bilong God na Stap Oltaim, na wok strong long kirapim Baibel stadi. Me na Jun: Mekim wok long wanpela bilong ol dispela liklik nius: Bilong Mekim Gut Bel Bilong Man i Stap Bel Hevi, Amamas Wantaim Famili Bilong Yu, I Gat Gutpela Samting Bai Painim Ol Man i Dai Pinis?, Jehova—Em i Husat?, Krais Jisas—Em i Husat?, Gutpela Sindaun Long Nupela Taim, Pen na Hevi Bai Pinis, Husat Tru i Bosim Dispela Graun?, na Save Long Tok i Tru? Sapos man i laik harim tok, orait yusim buk Baibel i Tok o wanpela bilong ol buklet Harim Tok Bilong God o Harim Tok Bilong God na Stap Oltaim na soim pasin bilong kirapim Baibel stadi. Julai: Gutpela Nius i Kam Long God!

◼ Mipela i amamas long toksave olsem nau yupela inap kisim ol dispela buklet samting. Buklet Harim Tok Bilong God na Stap Oltaim na Harim Tok Bilong God long tokples Melpa em tokples bilong Westen Hailans Provins, na liklik nius Yu Laik Save Long Tok i Tru? long tokples Kuman long Simbu Provins. Ol kongrigesen i ken putim oda nau bilong kisim ol dispela samting.

◼ Nau i gat jw.org Web-sait long Tok Pisin long Intenet. Atres bilong i go long dispela Web-sait em www.jw.org/tpi.