Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Ogas 26, 2013. Mipela i putim tu ol det long braket i makim wik ol i bin mekim dispela tok, na dispela bai helpim yupela long mekim wok painimaut taim yupela i redim miting bilong Skul Tiokratik long olgeta wik.
1. Pasin bilong King Herot long larim ol man long givim biknem na glori long em i givim wanem skul long yumi? (Apo. 12:21-23) [Jul. 1, w08 5/15 p. 32 par. 7]
2. Olsem wanem ol yangpela Kristen inap kisim helpim long pasin bilong skelim gut na bihainim eksampel bilong Timoti? (Apo. 16:1, 2) [Jul. 8, w08 5/15 p. 32 par. 10]
3. Taim Akwila na Prisila i harim Apolos i autim tok long sinagog long Efesus na “em i no pret,” ol i mekim wanem bilong helpim em? (Apo. 18:24-26) [Jul. 15, w10 6/15 p. 11 par. 4]
4. Wanem ol tok bilong Baibel i as na ol Witnes Bilong Jehova i go long kot bilong lukautim raits bilong ol long autim tok? (Apo. 25:10-12) [Jul. 22, bt p. 198 par. 6]
5. Maski aposel Pol i stap long kalabus long Rom, olsem wanem em i wok yet long painim rot bilong autim tok? Olsem wanem ol wokman bilong Jehova long nau i bihainim eksampel bilong em? (Apo. 28:17, 23, 30, 31) [Jul. 29, bt p. 215-217 par. 19-23]
6. Yu ting God i orait long man i maritim man na meri i maritim meri? (Rom 1:26, 27) [Ogas 5, w11 11/1 p. 7 par. 1, 2]
7. Olsem wanem “pe bilong baim bek man” em Krais Jisas i bin givim long 33 C.E., i tekewe “sin ol man i bin mekim long bipo” paslain long Jisas i givim dispela pe? (Rom 3:24, 25) [Ogas 5, w08 6/15 p. 29 par. 6]
8. Jehova i givim wanem gutpela samting bilong helpim yumi taim bikpela hevi i painim yumi na yumi no save yumi bai beten long wanem samting? (Rom 8:26, 27) [Ogas 12, w08 6/15 p. 30 par. 10]
9. Wanem insait bilong dispela tok “mekim gut long ol arapela”? (Rom 12:13) [Ogas 19, w09 10/15 p. 5-6 par. 12-13]
10. Olsem wanem yumi “kisim pasin bilong Bikpela Jisas Krais” olsem aposel Pol i tokim yumi long mekim? (Rom 13:14) [Ogas 26, w05 1/1 p. 11-12 par. 20-22]