Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Epril 28, 2014.
Wanem samting i mekim na Josep i sakim traim bilong mekim pasin adaltri wantaim meri bilong Potifar? (Stt. 39:7-12) [Mas 3, w13 2/15 p. 4 par. 6; w07 10/15 p. 23 par. 16]
Olsem wanem Josep i stap gutpela piksa long ol man husat i karim hevi long ol man i mekim pasin i no stret long ol na long taim bilong hevi? (Stt. 41:14, 39, 40) [Mas 10, w04 1/15 p. 29 par. 7; w04 6/1 p. 20 par. 4]
Wanem as na Josep i mekim pasin marimari long ol brata bilong em? [Mas 17, w99 1/1 p. 30 par. 6-7]
Olsem wanem lain tumbuna pikinini bilong Benjamin i truim tok profet bilong Stat 49:27? [Mas 24, w12 1/1 p. 29, blok]
Yumi kisim wanem skul long tok bilong Kisim Bek 3:7-10 long pasin bilong Jehova? [Mas 31, w09 3/1 p. 15 par. 3-6]
Long taim bilong Moses, olsem wanem Jehova i mekim ol samting i soim olsem em i tingim tru wanpela mining bilong nem bilong em? (Kis. 3:14, 15) [Mas 31, w13 3/15 p. 25-26 par. 5-6]
Olsem wanem Jehova i mekim Moses i stap “olsem God long ai bilong [Fero],” olsem Kisim Bek 7:1 i kamapim? [Epr. 7, w04 3/15 p. 25 par. 7; w05 5/15 p. 20 par. 4]
Ol Israel i bin lukim strong bilong Jehova long kisim bek ol long Isip, tasol bihain ol i kamapim olsem ol i gat wanem tingting? Yumi kisim wanem skul long dispela? (Kis. 14:30, 31) [Epr. 14, w12 3/15 p. 26-27 par. 8-10]
Dispela tok “olsem tarangau i karim nupela pikinini long wing bilong en,” olsem wanem em i stret tru long pasin laikim Jehova i mekim long lain Israel? (Kis. 19:4) [Epr. 28, w96 6/15 p. 10 par. 5–p. 11 par. 2]
Olsem wanem Jehova i “mekim save long ol” manmeri i gat asua na long ol lain tumbuna pikinini bilong ol i kamap bihain? (Kis. 20:5) [Epr. 28, w04 3/15 p. 27 par. 1]