Gutpela Ripot Bilong Autim Tok

Mipela i amamas long toksave olsem olgeta manmeri i bin bung long 14 Kibung Distrik bilong yumi long 2013, namba bilong ol em inap olsem 12,923. Na 129 i bin kisim baptais, dispela namba i go antap inap 9 pesen winim ol kibung bilong las yia. Long Hailans i bin i gat bikpela graun i bruk long 3-pela hap namel long rot, tasol dispela i no pasim ol bratasista long i go long kibung distrik long Banz. Long kibung long Banz, inap 42 i bin kisim baptais.—2 Kor. 1:11.