Ol Toksave
◼ Samting bilong tilim long Septemba na Oktoba: Nius Wastaua na Kirap! Novemba na Disemba: Buk Tru Tru Baibel i Tok Wanem? o wanpela bilong ol nupela liklik nius em yumi bin kisim long 2013 Kibung Rijinel. Wok strong long kirapim ol Baibel stadi.
◼ Spesel pablik tok long taim bilong Memorial long 2015 bai kamap long wik i kirap long Epril 6. Bihain bai mipela i toksave long nem bilong dispela tok. Sapos ol kongrigesen i gat visit bilong wasman sekit o kibung sekit long dispela wiken, ol bai mekim dispela spesel tok long wik bihain. Ol kongrigesen i no ken mekim dispela spesel pablik tok paslain long Epril 6.
◼ Kirap long Septemba, ol wasman sekit bai mekim dispela pablik tok, nem bilong en “Ol Rot Em Savetingting i Kam Long God i Helpim Yumi.”