Gutpela Ripot Bilong Autim Tok

Long Julai na Ogas 2014, i gat olsem faivpela skul bilong ol painia i kamap insait long kantri. Ol i mekim long Tok Pisin long Banz, Lae, Kokopo, na Madang, na long Pot Mosbi ol i mekim long tok Hiri Motu. Inap olsem 58 painia i go long dispela nupela wan wik skul bilong ol painia na taim dispela wan wik i pinis, ol i redi long mekim wok long ol samting ol i lainim, long wanem, ol i amamas tru long Nambawan Bikpela Tisa, em Jehova, i skulim ol gut.—Ais. 30:20.