Gutpela Ripot Bilong Autim Tok

Wok bilong autim tok i go long olgeta hap bilong graun, na i wok yet long i go bikpela. (Apo. 1:8) Yumi amamas long lukim truim bilong dispela tok i kamap long hap bilong yumi. Olsem: Long Oro Provins, i gat wanpela grup long Airara i stap longwe long bikpela kongrigesen long taun na em i gat 8-pela pablisa. I no longtaim i go pinis wasman sekit i go lukim ol. Long ol miting bilong ol long ol Sande, inap olsem 31 i save bung. Tasol long visit bilong wasman sekit, inap olsem 41 manmeri i kam long miting. Long dispela taim, ol i autim tok i go long ol ples i stap longwe na ol i wokabaut inap wanpela o tupela aua samting bilong go long ol dispela ples. Ol manmeri i amamas long harim gutnius bilong Kingdom. Wasman sekit i tok, i olsem kaikai i mau pinis na i redi long kisim.