Gutpela Ripot Bilong Autim Tok

Ol pablisa i wok strong long autim tok long ol manmeri i save mekim narapela tokples i stap long teritori bilong ol, long rot bilong yusim Language Apps long jw.org Web-sait. I no long taim i go pinis, wanpela pablisa long Alotau, Milne Bay Provins, i yusim tokples Tagalog long Language Apps long fon bilong em na autim tok long maneja bilong wanpela stua. Pablisa i soim maneja wanpela atikol long tokples bilong em. Samting pablisa i stori long en i kirapim bel bilong maneja, na em i pilim tru samting em i ritim. Pablisa i stretim rot long go bek na stori moa wantaim em.