Gutpela Ripot Bilong Autim Tok

Mipela i amamas long toksave olsem ol i kirapim wok bilong sanapim Haus Kingdom long Avere, Galf Provins, long Disemba 12, 2014 na ol i pinisim long Mas 22, 2015. Ol bratasista long Avere, ol Baibel sumatin na ol famili bilong ol husat i no stap long tok i tru i givim bel tru long sapotim wok bilong sanapim Haus Kingdom long kirap bilong en na i go inap long wok i pinis. Dispela Haus Kingdom bai kamapim gutpela samting long dispela hap. Dispela i kamapim klia truim bilong Sekaraia 4:6: “Bikpela i tok olsem, ‘yu no inap mekim wok long strong bilong ami o long strong bilong yu yet. Nogat. Strong bilong spirit bilong mi bai i stap wantaim yu, na long dispela strong tasol bai yu mekim wok.’”