Gutpela Ripot Bilong Autim Tok

Mipela i amamas long toksave olsem long Papua Niugini, planti manmeri moa i kam long bung bilong Memorial long Epril 3. Inap 34, 707 manmeri i kam bung, na dispela namba i go antap inap 81 pesen taim yumi skelim wantaim namba bilong ol manmeri i bung long Memorial inap 10-pela yia i go pinis. Taim yumi skelim dispela namba wantaim namba bilong ol pablisa i putim ripot long Epril, i olsem namba bilong ol pablisa i dabol inap 8-pela taim. I gutpela yumi pilim tru pasin laikim bilong Krais, na dispela i ken kirapim yumi long mekim gobek long ol manmeri husat i kam long Memorial na ol i amamas long kisim sampela save moa.—2 Kor. 5:14.