Gutpela Pasin na Pasin Rispek Inap Kirapim Poroman Marit Long Kam Insait Long Tok i Tru

Gutpela pasin bilong ol meri marit, em ol i bin kamap Kristen, i bin helpim ol man bilong ol long kam insait long tok i tru. Tasol, planti taim sista i mas karim hevi inap planti yia. (1Pi 2:21-23; 3:1, 2) Sapos yu karim hevi, yu mas wok yet long mekim gutpela pasin na bai dispela i daunim pasin nogut. (Ro 12:21) Gutpela pasin bilong yu inap helpim poroman marit bilong yu long senisim tingting bilong em long tok i tru.

Traim long pilim tingting bilong poroman marit bilong yu. (Fl 2:3, 4) Kamapim pasin sori na pilim tru ol samting em i pilim, na wok strong long inapim wok bilong yu olsem meri marit. Putim gut yau. (Jem 1:19) No ken les kwik, na tokim poroman marit bilong yu olsem yu laikim em. Maski poroman marit bilong yu i no soim wankain gutpela pasin na pasin rispek long yu, yu ken bilip tru olsem Jehova i amamas long pasin yu mekim.—1Pi 2:19, 20.

LUKIM VIDIO JEHOVA I STRONGIM YUMI LONG KARIM HEVI, NA BIHAIN BEKIM OL DISPELA ASKIM:

• Pastaim sindaun bilong Grace Li i olsem wanem?

• Wanem samting i kirapim em long kisim save long tok i tru bilong Baibel?

• Olsem wanem Sista Li i sanap strong na karim hevi bihain long em i kisim baptais?

• Long beten bilong Sista Li em i askim Jehova long mekim wanem long man bilong em?

• Sister Li i bin soim gutpela pasin na pasin rispek olsem na em i kisim wanem ol blesing?