Ol Yangpela—Autim Olgeta Tingting Bilong Yupela Long Papamama

Bilong wanem yu mas tokim papamama long tingting bilong yu? (Pr 23:26) Bikos Jehova i givim wok long ol long lukautim na stiaim yu. (Sg 127:3, 4) Ol bai hatwok long helpim yu sapos yu no tokim ol long olgeta tingting na wari bilong yu. Na tu, yu no inap kisim skul long ol samting i kamap long laip bilong ol. Yu ting i gat rong sapos yu no tokim papamama long olgeta samting? Nogat—tasol was gut olsem yu no giaman.—Pr 3:32.

Olsem wanem yu inap toktok long papamama? Makim wanpela taim i gutpela long yu toktok long ol. Sapos yu hatwok long mekim olsem, yu ken raitim wanpela pas na kamapim hevi na wari bilong yu long ol. Olsem wanem sapos ol i laik toktok wantaim yu long samting em yu les long yupela i toktok long en? Tingim olsem ol i laik tru long helpim yu. Tingim ol papamama olsem ol pren, na i no ol birua. Pasin bilong yu long wok strong long autim tingting bilong yu long papamama bai helpim yu long laip olgeta bilong yu—laip oltaim!—Pr 4:10-12.

WATSIM VIDIO YANGPELA LAIP BILONG MI—HAU MI INAP TOKTOK LONG PAPAMAMA? NA BIHAIN BEKIM OL DISPELA ASKIM:

• 

  Esther na Partik i luksave long wanem samting long tupela yet?

• 

  Yu inap kisim wanem skul long eksampel bilong Jisas?

• 

  Papamama i mekim wanem bilong soim olsem ol i tingim yu?

• 

  Wanem ol stiatok bilong Baibel inap helpim yu long toktok wantaim papamama?