Tripela Rot Bilong Kisim Helpim Long Jehova

Devit i winim Goliat bikos em i kisim helpim long Jehova. (1Sm 17:45) Jehova i laik soim strong bilong em long helpim olgeta wokman bilong em. (2St 16:9) Olsem wanem yumi inap kisim helpim long Jehova na yumi no bilip tumas long ekspiriens na save bilong yumi? Hia em 3-pela rot:

• Beten oltaim. Bihain long yu mekim wanpela popaia, yu ken beten long God i ken fogivim yu, tasol yu mas beten tu long taim traim i painim yu. (Mt 6:12, 13) Beten long Jehova i ken blesim ol disisen bilong yu, na tu, beten long em i ken stiaim yu na givim yu savetingting paslain long yu mekim ol disisen.—Jem 1:5.

• Ritim Baibel long olgeta de na stadi. Ritim Baibel long olgeta de. (Sg 1:2) Tingim tingim stori bilong ol man i stap long Baibel, na bihainim skul yu kisim. (Jem 1:23-25) Redi paslain long autim tok, na no ken ting yu gat ekspiriens pinis long mekim olsem. Paslain long miting, redim gut ol hap bilong miting na bai dispela i helpim yu.

• Wok gut wantaim oganaisesen bilong Jehova. Save gut long ol nupela daireksen i kam long oganaisesen, na bihainim kwik ol dispela daireksen. (Nam 9:17) Bihainim tok bilong ol elda taim ol i givim ol tok kaunsel na ol tok bilong stiaim yumi.—Hi 13:17.

WATSIM VIDIO I NO GAT WOK LONG PRET LONG PASIN BIRUA, NA BIHAIN BEKIM OL DISPELA ASKIM:

• Ol bratasista i pret long wanem ol samting?

• Wanem samting i helpim ol long daunim pasin bilong pret?