JANUERI 15-21
JOP 36-37
Singsing 147 na Beten | Tok Bilong Kirapim Miting (1 min.)
1. Wai na Yu Ken Bilipim Promis Bilong God Long Laip Oltaim
(10 min.)
Jehova i save stap oltaim (Jop 36:26; w15 10/1 13 par. 1-2)
Jehova i gat savetingting na strong long helpim ol samting i stap laip (Jop 36:27, 28; w20.05 22 par. 6)
Jehova i skulim yumi long hau yumi ken mekim ol samting bilong kisim laip oltaim (Jop 36:4, 22; Jon 17:3)
Strongpela bilip long tok promis bilong God long laip oltaim i helpim yumi long karim ol hevi bilong laip.—Hi 6:19; w22.10 28 par. 16.
2. Mekim Wok Painimaut
(10 min.)
Jop 37:20—Long ol kantri em Baibel i stori long en, hau na ol i save salim na kisim ol nius na infomesen? (mwbr24.01-MP it-1 492)
Yu lainim wanem samting long Baibel ritim bilong dispela wik em yu laik kamapim?
3. Baibel Ritim
(4 min.) Jop 36:1-21 (th stadi 2)
4. Kirapim Toktok
(3 min.) AUTIM TOK LONG PABLIK PLES. (lmd lesen 3 poin 3)
5. Gobek
(4 min.) AUTIM TOK LONG OL HAUS. (lmd lesen 2 poin 5)
6. Kamapim Bilip Bilong Yu
(5 min.) Tok. ijwfq 57 par. 5-15—Het Tok: Wai na Ol i Birua Long Ol Witnes Bilong Jehova Long Taim Bilong Holokas? (th stadi 18)
Singsing 49
7. Redi Long Taim Yu Mas Kisim Helpim Long Haus Sik o Kisim Operesen
(15 min.) Stori na givim ol askim. Wanpela elda i mekim dispela hap.
Oganaisesen bilong Jehova i kamapim ol tul bilong helpim yumi long bihainim ol lo long sait bilong blut. (Ap 15:28, 29) Yu save yusim gut ol dispela tul?
Durable Power of Attorney (DPA) Card na Identity Card (ic): Ol dispela kat i tokaut long tingting bilong sikman long sait bilong blut long taim em i mas kisim helpim long haus sik. Ol pablisa i baptais pinis i ken kisim DPA kat bilong ol na Identity Card bilong ol liklik pikinini bilong ol long litresa sevan. Ol dispela kat i mas stap wantaim yumi long olgeta taim. Sapos yu mas pulapim DPA kat o senisim ol infomesen bilong yu, orait yu mas mekim hariap.
Infomesen Bilong Ol Meri i Gat Bel (S-401) na Ol Sikman Husat i Mas Kisim Operesen o Kimoterapi (S-407): Ol dispela dokiumen i helpim yumi long redi gut long taim yumi laik kisim helpim long haus sik, na tu, ol samting long sait bilong blut. Askim elda bilong yu long kisim kopi bilong dokiumen we i stret long yu sapos yu gat bel o yu bai kisim operesen o tritmen bilong kensa.
Hospital Lieson Komiti (HLC): Ol brata insait long lain HLC em ol elda husat i redi gut long givim infomesen long ol dokta na pablisa long sait bilong blut. Ol i ken stori wantaim lain husat bai givim helpim long yu long haus sik long ol tritmen we i no gat wok long yusim blut. Sapos yu nidim helpim, ol inap painim wanpela dokta husat i rispektim disisen bilong yu. Ol i stap redi long helpim yu long 24 aua long wan wan de long olgeta wik. Kwiktaim kontektim HLC long taim yu mas go stap long haus sik, kisim operesen, o terapi—olsem tritmen bilong sik kensa—maski i luk olsem tritmen yu bai kisim i no inap yusim blut. Dispela tok i go tu long ol mama i gat bel. Sapos yu nidim helpim, askim wanpela elda long kontek infomesen bilong HLC.
Pilaim VIDIO Hospital Lieson Komiti—Hau Ol i Helpim? Bihain askim odiens:
Hau bai HLC i helpim yu sapos yu sik na yu mas kisim helpim long haus sik o kisim operesen?
8. Baibel Stadi Bilong Kongrigesen
(30 min.) bt sap. 4 par. 9-12, blok long pes 34