FEBRUERI 19-25

BUK SONG 8-10

Singsing 2 na Beten | Tok Bilong Kirapim Miting (1 min.)

GUTPELA SAVE I KAM LONG BAIBEL

1. “Jehova, Long Bel Olgeta Mi Bai Litimapim Nem Bilong Yu”!

(10 min.)

Jehova i save mekim gut tru long yumi (Sg 8:3-6; w21.08 3 par. 6)

Yumi amamas long preisim Jehova long rot bilong tokim ol narapela long ol gutpela wok bilong em (Sg 9:1; w20.05 23 par. 10)

Na tu yumi inap preisim em taim yumi givim bel long mekim ol singsing long em (Sg 9:2; w22.04 7 par. 13)

Ol piksa: Ol rot we yumi ken preisim Jehova. 1. Wanpela lapun sista i autim tok long meri i lukautim em. 2. Ol bratasista i singsing long taim bilong miting. 3. Yangpela boi i apim han long bekim tok long taim bilong miting bilong kongrigesen. 4. Yangpela brata i helpim long klinim Haus Kingdom. 5. Yangpela sista i autim tok long klasmeit.

ASKIM YU YET, ‘Long wanem ol narapela rot mi inap preisim Jehova?’

2. Mekim Wok Painimaut

(10 min.)

Sg 8:3—Wanem mining bilong tok bilong man bilong raitim song taim em i stori long pinga bilong God? (mwbr24.01-MP it-1 832)

Bekim
Yu lainim wanem samting long Baibel ritim bilong dispela wik em yu laik kamapim?

Bekim

3. Baibel Ritim

(4 min.) Sg 10:1-18 (th stadi 11)

MEKIM WOK AUTIM TOK

4. Kirapim Toktok

(3 min.) AUTIM TOK LONG OL HAUS. Man bilong haus i tokim yu olsem em i no bilip long God. (lmd lesen 5 poin 4)

5. Gobek

(4 min.) AUTIM TOK LONG KAIN KAIN TAIM NA PLES. Long namba 1 taim yu bungim em, dispela man i tokim yu olsem em i no bilip long God, tasol em i amamas long yu stori long em long ol samting i soim olsem i gat Krieta. (th stadi 7)

6. Tok

(5 min.) w21.06 6-7 par. 15-18—Het Tok: Helpim Ol Baibel Sumatin Bilong Yu Long Preisim Jehova. (th stadi 10)

BIHAINIM PASIN KRISTEN

Singsing 10

7. Hau Bai Yu Inap Autim Tok Long Kain Kain Taim na Ples Long Pasin Bilong Yu Yet Long Toktok

(10 min.) Stori na givim ol askim.

Wanpela rot yumi inap preisim Jehova em long rot bilong autim tok long ol man yumi bungim long taim yumi mekim wok bilong yumi long wan wan de. (Sg 35:28) Pastaim, yumi inap pret long autim tok long kain kain taim na ples. Tasol taim yumi lain long kirapim tok na stori wantaim man long pasin bilong yumi yet long toktok, dispela bai mekim yumi amamas, na tu, yumi kamap gutpela moa long mekim wok!

Piksa ol i kisim long vidio “Redi Long Autim ‘Gutnius Bilong Bel Isi’—⁠Go Pas Long Kirapim Tok.” Wanpela sista i kirap toktok wantaim meri i sindaun long tebol klostu long em long restron.

Pilaim VIDIO Redi Long Autim “Gutnius Bilong Bel Isi”—Go Pas Long Kirapim Tok. Bihain askim odiens:

Yu kisim wanem skul long dispela vidio we inap helpim yu long kamap gutpela moa long autim tok long kain kain taim na ples?

Bekim

Hia em sampela samting we inap helpim yu:

Olgeta taim redi long kirapim tok paslain long yu lusim haus. Beten long dispela samting, na askim Jehova long stiaim yu long toktok long ol man i gat gutpela bel
Mekim pasin pren na soim ol man yu bungim olsem yu tingim ol. Luksave long wanpela samting long dispela man na bai dispela i helpim yu long save long wanem tok i tru bilong Baibel ating em bai laik long harim.
Painim rot long kisim fon namba na atres bilong em, sapos i stret long mekim
No ken bel hevi sapos stori i pinis na rot i no op long yu autim tok
Tingim dispela man bihain long yupela i stori. Wok yet long soim olsem yu laik helpim em long rot bilong salim wanpela link bilong ves bilong Baibel o wanpela atikol long jw.org

Traim Dispela: Sapos wanpela i askim yu, ‘Wiken bilong yu i orait?,’ tokim em long samting yu kisim save long en long miting o wok yu mekim olsem wanpela tisa bilong Baibel.