JUN 16-22

GUTPELA SAVE I KAM LONG BAIBEL

1. Mekim Gutpela Tok Bilong Givim Nupela Strong Long Ol Man i Karim Hevi Bilong Sik

(10 min.)

Larim savetingting bilong God i stiaim tok yu mekim (Pr 18:4; w22.10 22 par. 17)

Kliagut long samting i painim man (Pr 18:13; mrt atikol 19 blok)

Stap olsem pren i no save les kwik na i save sapotim narapela (Pr 18:24; wp23.1 14 par. 3–15 par. 1)

Maritman i putim gut yau na pilim tingting bilong meri bilong em long taim em i kamapim tingting bilong em.

ASKIM YU YET, ‘Mi inap mekim wanem long sapotim poroman marit bilong mi sapos em i karim hevi long bagarap long bodi o em i gat sik bilong tingting?’

2. Mekim Wok Painimaut

(10 min.)

Pr 18:18—Wai na ol i save yusim satu long taim bilong ol man i bin raitim Baibel? (mwbr25.05-MP it-2 271-272)

Bekim
Yu lainim wanem samting long Baibel ritim bilong dispela wik em yu laik kamapim?

Bekim

3. Baibel Ritim

(4 min.) Pr 18:1-17 (th stadi 11)

MEKIM WOK AUTIM TOK

4. Kirapim Toktok

(1 min.) AUTIM TOK LONG OL HAUS. Dispela man i save mekim narapela tokples. (lmd lesen 2 poin 5)

5. Gobek

(3 min.) AUTIM TOK LONG PABLIK PLES. Dispela man i laik yu mekim sotpela tok. (lmd lesen 7 poin 4)

6. Gobek

(3 min.) AUTIM TOK LONG KAIN KAIN TAIM NA PLES. Skulim man long wanpela bikpela tok i tru long Kingdom Bilong God. (lmd lesen 9 poin 5)

7. Kamapim Bilip Bilong Yu

(4 min.) Soim. ijwfq atikol 29—Het Tok: Yu Bilip Olsem Kriesen i Kamap Long Sikspela De i Gat 24 Aua? (lmd lesen 5 poin 5)

BIHAINIM PASIN KRISTEN

8. Helpim Lain Yu Laikim Long Go Klostu Long Jehova Maski Yu “No Mekim Wanpela Tok”

(15 min.) Stori na givim ol askim.

Planti bilong yumi i save long wanpela husat i no lotuim Jehova long nau—ating poroman marit bilong yumi, pikinini, o wanpela pren husat i no bung moa wantaim kongrigesen. Olsem wanem? Dispela kain samting i bin painim yu na yu fosim wanpela o mekim strongpela tok long kirapim wanpela long lotuim Jehova? Maski i gat gutpela risen na yumi mekim olsem, tasol tok bilong yumi inap kamapim hevi. (Pr 12:18) Olsem na hau bai yumi inap helpim ol?

Long 1 Pita 3:1 em i tok long ol maritman i no wanbilip olsem maski yu “no mekim wanpela tok, ol inap kamap bilipman.” Maski man bilong wanpela sista Kristen i no laik stori long tok i tru bilong Baibel wantaim em, em inap yet long helpim em long save long Jehovah. Ol gutpela pasin bilong God em i kisim olsem pasin laikim, gutpela pasin, na savetingting inap mekim na man i senisim tingting. (Pr 16:23) Pasin na gutpela tok bilong yumi inap helpim lain yumi laikim long kam lotuim Jehova tu.—“Gracious” stadi nout long Kol 4:6, nwtsty-E.

Pilaim VIDIO Ol i Sanap Strong Long Bilip—Ol Bratasista Em Poroman Marit i No Wanbilip. Bihain askim odiens: