SEPTEMBA 29–OKTOBA 5
EKLISIASTIS 3-4
Singsing 93 na Beten | Tok Bilong Kirapim Miting (1 min.)
Lusim hap taim long toktok wantaim na pas gut wantaim Jehova
1. Strongim 3-pela Rop Em Ol i Tanim Wantaim
(10 min.)
Makim taim long stori gut wantaim (Ekl 3:1; ijwhf atikol 10 par. 2-8)
Mekim ol samting wantaim (Ekl 4:9; w23.05 23-24 par. 12-14)
Kisim pasin bilong pas gut wantaim Jehova (Ekl 4:12; w23.05 21 par. 3)
ASKIM YU YET, ‘Wanem samting inap kamap long marit long pasin bilong stap longwe long poroman marit inap sampela haptaim, wan wan i kisim narapela narapela malolo o go long narapela hap long wok mani?’
2. Mekim Wok Painimaut
(10 min.)
Ekl 3:8—Wanem samting i save kamap na em i no “taim bilong laikim”? (mwbr25.09-MP it “Laikim” par. 39)
Yu lainim wanem samting long Baibel ritim bilong dispela wik em yu laik kamapim?
3. Baibel Ritim
(4 min.) Ekl 4:1-16 (th stadi 2)
4. Kirapim Toktok
(3 min.) AUTIM TOK LONG OL HAUS. Yusim Wastaua No. 1 2025 long kirapim toktok. Mekim senis long tok yu laik mekim taim man i kamapim olsem em i laikim narapela topik. (lmd lesen 2 poin 5)
5. Gobek
(4 min.) AUTIM TOK LONG KAIN KAIN TAIM NA PLES. Tokim man husat i amamas long kisim Wastaua No. 1 2025 olsem yu laik stadi long Baibel wantaim em. (lmd lesen 9 poin 4)
6. Tok
(5 min.) lmd apendiks A poin 12—Het Tok: God i Save Mekim Pasin i Fea. (th stadi 19)
Singsing 131
7. Taim Hevi i Kamap Long Marit, Trastim Jehova
(15 min.) Stori na givim ol askim.
Jehova i givim olgeta samting ol marit Kristen i nidim na bai ol i stap gut na amamas. Maski i olsem, sampela taim ol marit bai bungim hevi. (1Ko 7:28) Sapos ol i no stretim, ol dispela hevi bai kamapim bel hevi, na sampela taim, ol inap pilim olsem hevi bilong ol i bikpela tru. Olsem wanem sapos yu bungim ol kain hevi long marit bilong yu?
Vidio drama Pasin Laikim Tru Em i Wanem Kain? i soim tupela yangpela marit i bungim ol bikpela hevi long laip bilong ol. Yu inap tingim edvais papa i givim long pikinini meri taim em i laik mekim disisen na i no skelim tingting bilong Jehova long samting em i laik mekim?
Pilaim VIDIO DRAMA Pasin Laikim Tru Em i Wanem Kain?—Hap Bilong En. Bihain askim odiens:
Wai na yumi mas larim Jehova i stiaim yumi long taim yumi bungim ol hevi long marit?—Ai 48:17; Mt 19:6
Sapos yu bungim ol bikpela hevi long marit bilong yu, larim Jehova i stiaim yu long rot bilong holimpas ol wok lotu. Wok strong long stretim ol hevi bilong yu long rot bilong yusim ol stiatok bilong Baibel, na painim ol infomesen long ol pablikesen we bai helpim yu long kisim tingting bilong Jehova long hevi bilong yu. Taim yu mekim olsem, yu soim olsem yu laik bai Jehova i helpim na blesim yu.—Pr 10:22; Ai 41:10.
Pilaim VIDIO Sakim Ol Man i Save Giaman Long Kamapim Bel Isi!—Darrel na Deborah Freisinger. Bihain askim odiens:
Yu kisim wanem skul long pasin bilong karim ol bikpela hevi long marit long ekspiriens bilong Brata na Sista Freisinger?
8. Baibel Stadi Bilong Kongrigesen
(30 min.) lfb lesen 22, introdaksen long seksen 5, na lesen 23