OKTOBA 20-26
EKLISIASTIS 9-10
Singsing 30 na Beten | Tok Bilong Kirapim Miting (1 min.)
1. Holim Stretpela Tingting Long Ol Hevi i Painim Yu
(10 min.)
Yumi save olsem ol hevi i no mak bilong soim olsem Jehova i no orait long yumi (Ekl 9:11; w13 8/15 14 par. 20-21)
Yumi mas save olsem pasin i no fea i stap long graun Satan i bosim (Ekl 10:7; w19.09 5 par. 10)
Yumi mas lusim haptaim long amamas long ol presen Jehova i givim long yumi, maski long taim yumi bungim ol hevi tu (Ekl 9:7, 10; w11 10/15 8 par. 1-2)
2. Mekim Wok Painimaut
(10 min.)
Ekl 10:12-14—Ol dispela ves i kamapim wanem tok lukaut long pasin bilong tok baksait? (mwbr25.09-MP it “Tok Baksait, Tok Bilong Krungutim Gutnem” par. 4, 8)
Yu lainim wanem samting long Baibel ritim bilong dispela wik em yu laik kamapim?
3. Baibel Ritim
(4 min.) Ekl 10:1-20 (th stadi 11)
4. Kirapim Toktok
(3 min.) AUTIM TOK LONG PABLIK PLES. Kirapim tok wantaim wanpela husat i bel hevi. (lmd lesen 3 poin 4)
5. Kirapim Toktok
(4 min.) AUTIM TOK LONG KAIN KAIN TAIM NA PLES. Stori long wanpela bilong “Ol Tok i Tru Yumi Laik Skulim Ol Man Long En” long apendiks A bilong buklet Laikim Ol Man wantaim wanpela husat i tokim yu olsem em i tingting planti long hevi bilong mani. (lmd lesen 4 poin 4)
6. Kamapim Ol Disaipel
Singsing 47
7. Stap Gut Yet Long Taim Bilong Bikpela Hevi
(15 min.) Stori na givim ol askim.
Wan wan de yumi save bungim ol hevi na traim. Tasol sampela taim hevi i save kamap wantu na i kamapim bikpela bagarap tru, na dispela inap mekim bel na tingting i no stap isi, kamapim hevi long helt, na tu, long sait bilong bilip. Hau bai yumi stap gut yet long taim bilong bikpela hevi?
Maski wanem hevi i painim yumi, oltaim Jehova ‘i save mekim yumi stap gut.’ (Ai 33:6) Bilong wet long Jehova, yumi mas holim stretpela tingting na i gat pasin daun. (Pr 11:2) Sapos bikpela hevi i painim yumi, yumi mas lusim sampela haptaim long lukautim yumi yet na lain yumi laikim, na bai yumi inap mekim ol gutpela disisen, o i gat taim long krai sori. (Ekl 4:6)
Jehova i save yusim ol man i lotuim em long strongim narapela narapela, olsem na yumi mas redi long kisim helpim. Tingim, ol wanbilip bilong yu i laikim yu tru, na taim ol i helpim yu dispela i mekim ol i amamas.
Ritim 2 Korin 4:7-9. Bihain askim odiens:
Wai na yumi mas wok strong long mekim ol wok lotu yet maski i hatwok long mekim olsem?
Pilaim VIDIO Jehova i Stap Klostu Long Ol Manmeri Em Hevi i Daunim Tru Ol. Bihain askim odiens:
Hau na Jehova i helpim Brata na Sista Septer?
Hau na ol wanbilip i helpim ol?
Yu kisim wanem narapela skul long stori bilong ol?
8. Baibel Stadi Bilong Kongrigesen
(30 min.) lfb lesen 28, introdaksen long seksen 6, na lesen 29