DISEMBA 22-28
AISAIA 11-13
Singsing 14 na Beten | Tok Bilong Kirapim Miting (1 min.)
1. Baibel i Mekim Wanem Tok Long Mesaia?
(10 min.)
Mesaia bai kamap long lain tumbuna bilong Jesi long rot bilong pikinini bilong em Devit (Ai 11:1; ip-1 159 par. 4-5-mwbr)
Em bai i gat spirit bilong God na pasin bilong pret long Jehova (Ai 11:2, 3a; ip-1 159 par. 6-mwbr; 160 par. 8-mwbr)
Em bai mekim wok jas wantaim stretpela pasin na pasin marimari (Ai 11:3b-5; ip-1 160 par. 9-mwbr; 161 par. 11-mwbr)
BILONG TINGIM TINGIM: Wanem samting i mekim na Jisas i winim wok bos bilong ol man?
2. Mekim Wok Painimaut
(10 min.)
Ai 11:10—Hau na dispela tok profet i bin kamap tru? (ip-1 165-166 par. 16-18-mwbr)
Yu lainim wanem samting long Baibel ritim bilong dispela wik em yu laik kamapim?
3. Baibel Ritim
(4 min.) Ai 11:1-12 (th stadi 11)
4. Kirapim Toktok
(3 min.) AUTIM TOK LONG OL HAUS. (lmd lesen 2 poin 5)
5. Gobek
(4 min.) AUTIM TOK LONG PABLIK PLES. Yusim jw.org long bekim askim em wanpela i kamapim. (lmd lesen 8 poin 3)
6. Kamapim Ol Disaipel
(5 min.) Helpim sumatin bilong yu long redi long autim tok long ol haus. (lmd lesen 11 poin 4)
Singsing 57
7. Olsem Wanem? Yu Save “Skelim Samting Long Pasin i Stret”?
(15 min.) Stori na givim ol askim.
Long olgeta de yumi save skelim ol manmeri, sampela taim yumi no luksave long dispela. Em isi long skelim man long samting yumi lukim long ai. Maski i olsem, gutpela eksampel bilong yumi, Jisas, i save jasim ol manmeri long narapela kain pasin. (Ai 11:3, 4) Jisas inap lukim bel bilong man na em inap save long tingting, risen, na pasin bilong em long skelim samting. Yumi no inap mekim olsem. Tasol yumi inap wok strong long bihainim eksampel bilong Jisas. Em i tok: “Yupela i mas lusim pasin bilong skelim samting long ai. Yupela i mas skelim samting long pasin i stret.”—Jon 7:24.
Yumi no inap amamas na givim bel long mekim wok autim tok sapos yumi save skelim ol man long samting yumi lukim long ai. Olsem, yumi save les long autim tok long ol lain i bilong narapela ples o lotu? Olsem wanem long ol neiba husat i gat planti mani kago o ol i stap rabis? Yumi save skelim lukluk bilong man na ting olsem em bai nogat laik long harim tok? God “i laik kisim bek olgeta kain man na em i laik bai ol i kisim stretpela save long tok i tru.”—1Ti 2:4.
Pilaim VIDIO Skul Yumi Kisim Long Wastaua—No Ken Skelim Lukluk Bilong Man. Bihain askim odiens:
Vidio i kamapim wanem ol samting i stap olsem risen bilong luk daun long ol narapela?
Sapos pasin bilong luk daun long ol narapela i kam insait long kongrigesen, hau bai dispela i kamapim hevi?
Wanem samting i helpim ol Kristen em ol i intaviuim long sakim pasin bilong skelim lukluk bilong ol man?
Yu kisim wanem ol skul long atikol bilong dispela Wastaua?
8. Baibel Stadi Bilong Kongrigesen
(30 min.) lfb lesen 46-47