Strongim Bilip Olsem Jehova i Ken Seivim Yu

Ritim Namba 13:25–14:4 we i soim olsem lain Israel i no bilip long Jehova.

Skelim ol tok i stap paslain na bihain. Wai na i stret long lain Israel i bilip olsem Jehova i gat strong long seivim ol taim ol i lusim Isip? (Sng. 78:​12-16, 43-53) Wanem samting i mekim na ol i lusim pasin bilong trastim Jehova? (Lo 1:​26-28) Olsem wanem Josua na Kalep i soim olsem ol i trastim tru Jehova?—Nam. 14:​6-9.

Mekim sampela moa wok painimaut. Lain Israel inap mekim wanem samting bilong strongim pasin bilong ol long trastim Jehova? (Sng. 9:10; 22:4; 78:11) Taim yumi rispektim Jehova, olsem wanem dispela bai kirapim yumi long trastim em?—Nam. 14:11.

Luksave long ol skul yu kisim. Askim yu yet:

• ‘Wanem ol samting inap kamap na dispela i traim pasin bilong mi long bilip long Jehova?’

• ‘Mi ken mekim wanem bilong strongim pasin bilong mi long trastim Jehova long nau na long bihain tu?’

• ‘Mi ken bilip tru long wanem samting taim traipela hevi tru i kirap?’—Luk 21:​25-28.