Graun i Pulap Long Hevi—Hau Yu Inap Karim Hevi?
Yu pilim olsem ol hevi i save painim ol man long nau, i wok long go nogut moa na i painim yu tu? Wanpela bilong ol dispela hevi i painim yu long hap yu stap long en?
ol pait
ol bikpela sik
ol disasta
pasin bilong stap rabis
pasin bilong mekim nogut long ol narapela lain o skin
pasin bilong pait na bagarapim man
Taim hevi i painim ol man, planti i kirap nogut na ol i no save ol bai mekim wanem. Sampela manmeri taim hevi i painim ol, bel bilong ol i no pilim moa pen. Sapos man i kirap nogut na i no moa pilim pen long ol hevi i painim em na dispela i stap longpela taim, dispela inap kamapim bikpela hevi moa.
Long taim bilong hevi, yu mas lukautim famili bilong yu, helt bilong yu, ol samting bilong yu, na mekim ol samting bilong stap amamas.
Yu ken mekim wanem long nau long daunim presa bilong ol hevi i painim yu?