Ol i Bilip Long Wanem Samting?
OL WITNES BILONG JEHOVA i bilip long God i Gat Olgeta Strong, Jehova, em Man bilong wokim heven na graun. Ol narakain gutpela gutpela samting i stap long ples antap na long graun i kamapim klia olsem wanpela Man i gat bikpela save na strong i bin wokim olgeta dispela samting. Ol samting ol man na meri i wokim i kamapim pasin bilong ol, na olsem tasol ol samting God Jehova i bin wokim i kamapim ol pasin bilong em. Baibel i tok, “ol man i lukim ol samting em i bin wokim. Long dispela rot ol man inap save long sampela pasin bilong God i stap hait.” Na tu, maski skai i no save toktok, em “i soim yumi olsem God em i nambawan tru.”—Rom 1:20; Song 19:1-4.
Ol man i no save wokim nating ol sospen graun o televisen na kompiuta, i gat as na ol i wokim ol dispela samting. Graun na ol diwai na plaua na ol animal samting i bikpela samting moa. Skin bilong man wantaim planti trilion sel bilong en, em wanpela samting man i no inap save gut long en—na kru bilong yumi em i narakain gutpela samting tru! Sapos i gat as na ol man i wokim ol liklik samting bilong ol, i gat as tru na God Jehova i wokim ol narakain gutpela samting, a? Sindaun 16:4 i tok, ol samting em i wokim i gat as bilong en: “Bikpela i bin wokim olgeta samting, na ol i gat wok bilong ol.”
I gat as na Jehova i wokim dispela graun, olsem em i bin tokim namba wan man na meri: “Yupela i mas kamap planti na i go sindaun long olgeta hap bilong graun. . . . Mi putim ol pis na ol pisin na olkain animal bilong graun aninit long yupela.” (Stat 1:28) Ol i sakim tok bilong God, olsem na ol i no inap kamapim ol famili i bihainim stretpela pasin na lukautim gut dispela graun na ol diwai na animal samting. Tasol dispela i no mekim na laik bilong Jehova i no inap kamap. Planti tausen yia bihain, wanpela man i raitim tok: “Em i bin wokim skai na graun . . . Em i no wokim graun bilong i stap nating. Nogat. Em i wokim bilong olgeta samting i ken i stap long en.” Graun i no inap bagarap, nogat; em bai stap “oltaim.” (Aisaia 45:18; Saveman 1:4) Ol samting Jehova i laik mekim long dispela graun bai kamap tru: “Sapos mi laik mekim wanpela samting, orait mi save mekim tasol. Na i no gat wanpela samting inap pasim mi long mekim dispela samting.”—Aisaia 46:10.
Olsem na ol Witnes Bilong Jehova i bilip olsem graun bai stap oltaim na ol manmeri—ol man i stap laip na ol man i dai pinis—em ol i bihainim laik bilong Jehova ol bai kisim laip oltaim long graun. Olgeta manmeri i kisim sin long Adam tupela Iv, olsem na yumi man bilong mekim sin. (Rom 5:12) Baibel i tok: “Sin i save givim pe long ol wokboi bilong en. Dispela pe em dai tasol.” “Ol man i gat laip . . . ol i save bai ol i dai. Tasol ol man i dai pinis, ol i no inap save long wanpela samting.” “Sapos wanpela man i mekim sin, dispela man tasol i mas i dai.” (Rom 6:23; Saveman 9:5; Esekiel 18:4, 20) Tasol olsem wanem ol inap i stap laip gen bilong kisim ol blesing bilong graun? Long rot bilong ofa Krais Jisas i mekim bilong baim bek ol man, em i tok: “Kirap bek, em mi yet. Na laip, em mi yet. Na man i bilip long mi, maski sapos em i dai, em bai i stap laip yet.” “Olgeta manmeri i stap long matmat ol bai i harim maus bilong Pikinini, na ol bai i lusim matmat na i kam ausait.”—Jon 5:28, 29; 11:25; Matyu 20:28.
Ol dispela samting bai kamap olsem wanem? “Gutnius bilong kingdom,” em Jisas i bin kirap autim tok long en taim em i stap long graun, i stori gut long ol dispela samting. (Matyu 4:17-23) Tasol long nau ol Witnes Bilong Jehova i save mekim bikpela wok bilong autim gutnius.
[Sat long pes 13]
OL SAMTING OL WITNES BILONG JEHOVA I BILIP LONG EN
Bilip Tok Bilong Baibel
Baibel em Tok Bilong God 2 Ti. 3:16, 17;
na tok bilong en i tru 2 Pi. 1:20, 21; Jo. 17:17
Krais em i Pikinini bilong God Mt. 3:17; Jo. 8:42;
na em i aninit long Em Jo. 14:28; 20:17;
Krais em i namba wan samting Kl. 1:15; KTH 3:14
God i wokim
Krais i dai long diwai pos, i no Ga. 3:13; Ap. 5:30
long diwai kros
Laip bilong Krais em i pe bilong Mt. 20:28; 1 Ti. 2:5, 6;
baim bek ol man i bihainim tok 1 Pi. 2:24
Krais i givim ofa wanpela taim Ro. 6:10; Hi. 9:25-28
tasol na em inap
Krais i kirap bek long matmat 1 Pi. 3:18; Ro. 6:9;
olsem spirit i no inap i dai KTH 1:17, 18
Taim Krais i kam i stap Jo. 14:19; Mt. 24:3;
em i wanpela spirit 2 Ko. 5:16; Sng. 110:1, 2
Nau yumi stap long “taim bilong Mt. 24:3-14; 2 Ti. 3:1-5;
las de” Lu. 17:26-30
Kingdom long han bilong Krais Ais. 9:6, 7; 11:1-5;
bai bosim graun long stretpela Dan. 7:13, 14; Mt. 6:10
pasin na long pasin isi
Kingdom bai kamapim gutpela Sng. 72:1-4; KTH 7:9, 10,
sindaun hia long graun KTH 7:13-17; 21:3, 4
Graun i no inap bagarap olgeta na Sav. 1:4; Ais. 45:18;
ol manmeri i no inap pinis olgeta Sng. 78:69
God bai bagarapim ol samting KTH 16:14, 16; Sef. 3:8;
bilong dispela graun long pait Dan. 2:44; Ais. 34:2;
bilong Armagedon Ais. 55:10, 11
Ol man nogut bai bagarap Mt. 25:41-46;
olgeta 2 Te. 1:6-9
Ol man God i orait long ol bai Jo. 3:16; 10:27, 28; 17:3;
kisim laip oltaim Mk. 10:29, 30
I gat wanpela rot i go long laip Mt. 7:13, 14; Ef. 4:4, 5
Sin bilong Adam i as Ro. 5:12; 6:23
na ol man i save dai
Ol man i dai pinis bai kirap bek 1 Ko. 15:20-22;
Indai Adam i kamapim bai pinis 1 Ko. 15:26, 54;
Liklik lain olsem 144,000 Lu. 12:32; KTH 14:1, 3;
tasol bai go long heven na 1 Ko. 15:40-53;
mekim wok king wantaim Krais KTH 5:9, 10
Lain 144,000 ol i kamap nupela 1 Pi. 1:23; Jo. 3:3;
gen olsem ol pikinini spirit KTH 7:3, 4
bilong God
God i wokim nupela kontrak Jer. 31:31; Hi. 8:10-13
wantaim Israel bilong spirit
Krais yet em i as bilong Ef. 2:20; Ais. 28:16;
kongrigesen bilong Krais Mt. 21:42
Yumi mas beten long Jehova Jo. 14:6, 13, 14;
tasol long rot bilong Krais 1 Ti. 2:5
No ken yusim ol imis Kis. 20:4, 5; Wkp. 26:1;
bilong lotu long God 1 Ko. 10:14; Sng. 115:4-8
Yumi mas sakim ol wok bilong Lo 18:10-12; Ga. 5:19-21;
ol spirit nogut Wkp. 19:31
Satan em i hetman bilong 1 Jo. 5:19; 2 Ko. 4:4;
dispela graun Jo. 12:31
Ol Kristen i no ken insait 2 Ko. 6:14-17;
long pasin bilong bung 2 Ko. 11:13-15; Ga. 5:9;
wantaim ol narapela lotu Lo 7:1-5
Ol Kristen i no insait long Jems 4:4; 1 Jo. 2:15;
ol samting bilong graun Jo. 15:19; 17:16
Bihainim ol lo bilong man i no Mt. 22:20, 21;
pait wantaim ol lo bilong God 1 Pi. 2:12; 4:15
Kisim blut long rot bilong Stt. 9:3, 4; Wkp. 17:14;
kaikai o long rot bilong Ap. 15:28, 29
drip i brukim lo bilong God
Mas bihainim ol lo bilong 1 Ko. 6:9, 10; Hi. 13:4;
Baibel long stretpela pasin 1 Ti. 3:2; Snd. 5:1-23
Lo bilong Sabat i bilong Lo 5:15; Kis. 31:13;
lain Israel tasol na i pinis Ro. 10:4; Ga. 4:9, 10;
wantaim Lo Bilong Moses Kl. 2: 16, 17
I no stret lain bikman bilong Mt. 23:8-12; 20:25-27;
lotu i gat ol biknem Jop 32:21, 22
Man i no kamap nating Ais. 45:12; Stt. 1:27;
tasol God i wokim em Mt. 19:4
Yumi mas bihainim pasin bilong 1 Pi. 2:21; Hi. 10:7;
Krais long lotuim God Jo. 4:34; 6:38
Go insait tru long wara bilong Mk 1:9, 10; Jo. 3:23;
kisim baptais i makim man Ap. 19:4, 5
i dediket pinis
Ol Kristen i amamas long autim Ro. 10:10; Hi. 13:15;
tok i tru bilong Baibel Ais. 43:10-12
[Piksa long pes 12]
GRAUN . . . Jehova i wokim . . . ol man i save lukautim . . . ol man bai stap oltaim long en