Hau Bai Famili Bilong Yu i Ken Stap Amamas?

Bilong famili i ken i stap amamas, pasin laikim i mas i stap insait long en. Efesus 5:33

Lo bilong God i tok man i ken maritim wanpela meri tasol, na meri i ken maritim wanpela man tasol.

Gutpela maritman bai mekim pasin isi long meri bilong em na pilim hevi bilong em.

Maritmeri i mas wok gut wantaim man bilong em.

Ol pikinini i mas harim tok bilong papamama.

Mekim pasin helpim na stap gut long poroman, no ken mekim hatpela pasin. Kolosi 3:5, 8-10

Baibel i tok maritman i mas laikim tru meri bilong em olsem em i save laikim bodi bilong em yet, na meri i mas rispek tru long man bilong em.

Pasin bilong slip wantaim wanpela i no poroman marit bilong yu, dispela i no stret. Pasin bilong maritim planti meri, dispela tu i no stret.

Tok Bilong Jehova i skulim ol famili long rot bilong stap amamas.