Introdaksen Bilong Seksen 6

Taim ol Israel i kamap long Graun Bilong Promis, haus lotu sel i kamap ples bilong mekim lotu i tru. Ol pris i save skulim lain Israel long Lo, na ol hetman i save stiaim ol. Dispela seksen i kamapim olsem disisen na pasin bilong wanpela inap mekim sampela bikpela samting long ol narapela. Wan wan Israel i mas skelim samting em i mekim long Jehova na long ol wanbilip bilong em. Kamapim klia hau pasin bilong Debora, Naomi, Josua, Ana, pikinini meri bilong Jepta, na Samuel i stiaim ol man i stap long komiuniti bilong ol. Na tu, kamapim gut olsem sampela i no bilong lain Israel, olsem Rahap, Rut, Jael, na lain Gibeon, ol i mekim disisen long sapotim lain Israel bikos ol i save olsem God i stap wantaim ol.