Introdaksen Bilong Seksen 7

Dispela seksen i kamapim histori bilong King Sol na King Devit, insait long 80 yia. Pastaim, Sol i gat pasin daun na em i save pret long God, tasol i no longtaim em i senis na i no laik bihainim tok bilong Jehova. Jehova i sakim Sol, na em i tokim Samuel long anointim Devit olsem neks king bilong Israel. Sol i jeles na planti taim em i laik kilim i dai Devit, tasol Devit i no save bekim. Pikinini man bilong Sol em Jonatan, i save olsem Jehova i makim Devit, so em i stap gut long Devit. Devit i mekim sampela bikpela rong, tasol em i no save sakim tok Jehova i givim bilong stretim em. Sapos yu wanpela papa o mama, helpim pikinini bilong yu long save olsem em i bikpela samting long oltaim sapotim ol arensmen bilong God.