Kaikai Bilong Bikpela

1. Jehova, Papa bilong heven,

Nau em nait we i holi tru!

Long bipo yu bin tingting tru long kamapim

Pasin laikim, save, na strong.

Sipsip bilong pasova mekim

Lain bilong yu i kamap fri.

Long bihain Krais i kapsaitim blut bilong em

Blong truim tok profet bilong yu.

2. Bret na wain i tokaut long mipla

Long bikpela pe yu givim.

Gutpla samting i kamap long dispela pe,

Oltaim Krais i bihainim tok.

Mipela bung long Memorial;

Nait bilong tingim i go bek

Hau dai bilong Jisas i baim bek mipela

Na kisim bek mipela long dai.

3. Mipela em lain sipsip blong yu.

Yu singautim mipela kam

Long tenkyu long yu salim Jisas long mipla

Na onarim yutupela.

Kaikai Blong Bikpela givim yu glori

Na strongim tru bel na tingting.

Mipela ken bihainim gut lek bilong Krais,

Na kisim laip i stap gut oltaim.