STADI 13

Kamapim Klia Olsem Tok Inap Helpim Man

Provep 3:21

OL BIKPELA TOK: Helpim ol man i harim tok bilong yu long luksave olsem stori yu kamapim i mekim wanem long laip bilong ol, na soim ol wanem samting ol i ken mekim long ol samting ol i lainim.

ROT BILONG MEKIM:

Tingim ol man i harim tok bilong yu. Tingim tingim long bel as na ol man i harim tok bilong yu i mas kisim dispela tok na wanem tok stret bai helpim ol.
Long tok bilong yu, kamapim klia long ol man i harim tok bilong yu long ol samting ol i mas mekim. Long kirap bilong tok, olgeta man wan wan i mas luksave olsem, ‘Dispela tok i bilong helpim mi.’ Taim yu wok long stori long wan wan poin bilong tok, kamapim olsem wanem ol i ken bihainim. No ken stori nabaut nabaut.

Stori long ol stiatok bilong Baibel long pasin laikim na long pasin i soim olsem yu kliagut long tingting bilong ol. No ken mekim ol i pilim olsem ol i gat asua, nogat, toktok yu mekim i mas strongim pasin laikim bilong ol na bilip bilong ol, na yu bilip olsem bel bilong ol bai kirapim ol long mekim samting i stret na bihainim tok yu kamapim.