Bilong Ol Yangpela Bilong Yumi

Kirap Bek Bilong Lasarus

Pasin Bilong Mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori.

SKELIM SAMTING I KAMAP.​​—RITIM JON 11:​1-45.

Taim yu ritim ves 21 na 32, yu ting Marta na Maria i pilim olsem wanem?

․․․․․

Taim yu ritim ves 33 na 35, yu inap piksaim wanem samting long tingting taim yu tingim bikpela bel hevi em Jisas i bin pilim? 

․․․․․

Piksaim long tingting olsem yu bin i stap long dispela taim na ol samting i kamap, olsem ves 43 na 44 i stori long en​—bai yu pilim olsem wanem sapos yu Lasarus, o bai yu pilim olsem wanem sapos yu wanpela bilong ol man i stap long dispela taim?

SKELIM I GO MOA.

Long hap Jisas i stap long en na i go long Betani, man i mas wokabaut inap 2-pela de. Olsem na bilong wanem Jisas i no go hariap? (Ritim gen ves 6.) 

․․․․․

Olsem wanem stori bilong Baibel i kamapim olsem Maria na Marta i tingim samting bilong lotu? (Luk 10:​38, 39; Jon 11:24) 

․․․․․

Bilong wanem Jisas i kirapim bek ol man i bin i dai maski ol bai dai gen? (Mak 1:​41, 42; Jon 5:​28, 29; 11:45) 

․․․․․

MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Jisas i gat bikpela strong na laik bilong kirapim bek ol daiman.

․․․․․

Long pasin bilong Jisas long sori tru long ol man i krai sori.

․․․․․

YU LAIK BUNGIM HUSAT LONG TAIM BILONG KIRAP BEK? 

․․․․․

YU PILIM TRU WANEM SAMTING LONG DISPELA STORI BILONG BAIBEL? BILONG WANEM YU TOK OLSEM? 

․․․․․