Bilong Ol Yangpela Bilong Yumi

Man Husat i Bilip Long Ol Tok Promis Bilong God

Pasin Bilong Mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori.

SKELIM SAMTING I KAMAP.​​—RITIM STAT 12:​1-4; 18:​1-​15; 21:​1-5; 22:​15-​18.

Stori long Abraham i pilim olsem wanem taim em i harim tok promis bilong God olsem em bai kamap tumbuna papa bilong “pikinini” husat bai helpim olgeta manmeri.

․․․․․

Ol tripela man i kam lukim Abraham em Stat 18:2 i stori long ol, yu ting ol i luk olsem wanem?  

․․․․․

Yu inap piksaim wanem kain wok i kamap olsem Stat 18:​6-8 i stori long en? (Tingim olsem long dispela taim Abraham i gat klostu 100 krismas.)

․․․․․

SKELIM I GO MOA.

Hamas yia i bin lus namel long taim Jehova i tok promis long Abraham bai i gat pikinini na long taim Aisak i bin kamap? (Ritim gen Stat 12:4 na 21:5.) 

․․․․․

Jehova i givim wanem ol gutpela tok long Abraham taim em i wok long wetim truim bilong tok promis bilong God? (Ritim Stat 12:7; 13:​14-​17; 15:​1-5, 12-​21; 17:​1, 2, 7, 8, 15, 16.)

․․․․․

Jehova i bin mekim wanem samting long Abraham taim Abraham i soim olsem em i gat tupela tingting long em bai i gat wanpela pikinini man? (Ritim gen Stat 15:​3-5, 12-​21.)

․․․․․

Olsem wanem isi isi Jehova i kamapim long ples klia ol samting bilong dispela “pikinini”?

․․․․․

MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Long yu mas i gat bilip long ol tok promis bilong God.

․․․․․

Long olsem wanem isi isi Jehova i kamapim long ples klia laik bilong em.

․․․․․

WANEM SAMTING LONG DISPELA STORI BILONG BAIBEL YU PILIM TRU? BILONG WANEM YU TOK OLSEM?

․․․․․