Bilong Ol Yangpela Bilong Yumi

Mirakel Long Pentikos!

Pasin Bilong Mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

SKELIM SAMTING I KAMAP.​​—RITIM APOSEL 2:​1-​21, 38-​41.

Yu piksaim wanem samting long tingting taim yu ritim stori long “krai bilong strongpela win” na “samting olsem paia i kamap, na i luk olsem planti tang bilong man”?

․․․․․

Yu inap harim ol man i mekim wanem ol tok taim ol i kirap nogut long harim ol disaipel i toktok long ol narapela tok ples?

․․․․․

Ol man em ves 13 i stori long ol, pes bilong ol i soim olsem ol i gat wanem tingting?

․․․․․

SKELIM I GO MOA.

Pentikos em wanem kain bung? Dispela bung i mekim na ol man i kam bung long Jerusalem, ol i pilim olsem wanem? (Lo 16:​10-12)

․․․․․

Olsem wanem Pita i soim rispek taim em i toktok long ol man i harim tok bilong em? Olsem wanem em i stori long samting em ol man i gat laik long harim? (Aposel 2:29)

․․․․․

Olsem wanem pasin bilong Pita long sanap strong na i no pret long taim bilong Pentikos, dispela i narapela kain long samting em i bin mekim long ples bung insait long banis bilong hetpris? (Matyu 26:​69-75)

․․․․․

MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Long kamapim ol tok bilong Baibel long pasin we ol man i gat laik long harim na mekim long pasin rispek.

․․․․․

Long olsem wanem yu inap stap wanpela strongpela Witnes Bilong Jehova, maski sapos yu save sem o pret.

․․․․․

WANEM SAMTING LONG DISPELA STORI BILONG BAIBEL YU PILIM TRU? BILONG WANEM YU TOK OLSEM?

․․․․․

Bilong mekim sampela wok painimaut moa, lukim Wastaua bilong Septemba 15, 1996, pes 8, 9.