Bilong Ol Yangpela
Rot Bilong Sakim Traim
Josep—Hap 1
Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.
Ol man insait long stori: Josep, meri bilong Potifar
Bikpela tok: Josep i sakim traim bilong slip wantaim meri bilong Potifar.
1 SKELIM SAMTING I KAMAP.—RITIM STAT 39:1-12.
Stori long haus bilong Potifar, em i bikpela na naispela olsem wanem?
․․․․․
Yu ting Josep i luk olsem wanem? (Givim tingting: Ritim gen ves 6.)
․․․․․
Taim Josep i toktok long meri bilong Potifar, olsem ves 8 na 9 i stori long en, krai bilong nek bilong em i kamapim klia wanem samting?
․․․․․
2 SKELIM I GO MOA.
Wanem samting inap traim Josep long lusim stretpela pasin bilong em? (Givim tingting: Ritim Filipai 2:12, na tingim ol samting long i stap bilong Josep. Olsem, long dispela taim famili bilong Josep na ol wanbilip bilong em husat i save lotuim Jehova, ol i stap we?)
․․․․․
Long dispela taim God i no bin givim lo long pasin adaltri, olsem na bilong wanem Josep i pilim olsem sapos em i mekim pasin adaltri, em bai mekim sin long God? (Givim tingting: Ritim na skelim ol dispela skripsa: Stat 2:24; 12:17, 18; Rom 2:14, 15; na Hibru 5:14.)
․․․․․
3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .
Olsem wanem pasin bilong bosim gut bel na pasin bilong rispek i wok bung wantaim.
․․․․․
Ol gutpela samting i save painim ol man i bihainim lo bilong God long stretpela pasin.
․․․․․
Bikpela samting long “lainim gut tingting” bilong yu. (Hibru 5:14)
․․․․․
SAMPELA TOK MOA YU KEN MEKIM WOK LONG EN.
Long wanem ol samting long laip bilong yu em yu mas wokim gutpela disisen moa bambai yu inap sakim traim bilong mekim pasin pamuk? (Givim tingting: Ritim na skelim tok bilong Jop 31:1; Song 119:37; Efesus 5:3, 4.)
․․․․․
4 WANEM SAMTING LONG DISPELA STORI BILONG BAIBEL YU PILIM TRU? BILONG WANEM YU TOK OLSEM?
․․․․․
Yu ken ritim sampela nius moa bilong Baibel long intenet long www.watchtower.org