BEKIM OL ASKIM BILONG BAIBEL
Tru tru Jisas i bin kirapim bek ol man i dai pinis?
Jisas i kirapim bek Lasarus husat i bin dai inap 4-pela de
Baibel i stori olsem taim Jisas i stap long graun em i bin kirapim bek ol man i dai pinis. Ol dispela stori i no stori nating, nogat. Baibel i kolim stret nem bilong ol ples na taim stret ol dispela samting i kamap. Olsem, long taim bilong san long 31 C.E., bikpela lain manmeri i bihainim Jisas i go long Kaperneam na bihain long Nain. Taim ol i go kamap, ol i bungim narapela bikpela lain manmeri. Yu inap bilip long stori bilong kirap bek, long wanem, dispela stori i stap long Baibel. Na tu, planti manmeri i bin lukim dispela samting.—Ritim Luk 7:11-15.
Narapela taim, Jisas i kirapim bek pren bilong em Lasarus husat i bin dai inap 4-pela de. Planti man i bin lukim dispela samting, olsem na yu inap bilip olsem dispela stori i tru.—Ritim Jon 11:39-45.
Bilong wanem Jisas i kirapim bek ol man i dai pinis?
Jisas i sori tru long ol manmeri, olsem na em i kirapim bek ol man i dai pinis. Na tu, em i mekim olsem, long wanem, em i laik soim ol man olsem Papa bilong em, em Man i bin wokim olgeta samting i givim em strong long pinisim dai.—Ritim Jon 5:21, 28, 29.
Jisas i kirapim bek ol man i dai pinis na dispela i helpim yumi long bilip long ol tok promis bilong em long ol samting bai kamap long bihain. Em bai kirapim bek planti manmeri, sampela bilong ol em ol i no bin gat sans long save long trupela God. Dispela bai opim rot long ol i ken kisim save long God Jehova na laikim em.—Ritim Aposel 24:15.