God i gat wanem tingting long ol pen na hevi?
Sampela man i bilip olsem God i no save lukim na tingim ol hevi yumi karim.
SKELIM TOK BAIBEL I MEKIM
God i save lukim na tingim
“Bikpela i lukim pasin bilong ol manmeri long olgeta hap i nogut tru. . . . Na em i bel hevi tru.”—Stat 6:5, 6.
God bai pinisim olgeta pen na hevi
“I no longtaim na bai ol man nogut i lus olgeta. Bai yu wok long painim ol long ples bilong ol, tasol yu no inap lukim ol. Tasol ol manmeri i daunim nem bilong ol yet, bai God i givim olgeta graun long ol. Bai ol i sindaun gutpela tumas na amamas i stap.”—Song 37:10, 11.
Samting God i laik bai painim yu
“Mi Bikpela, mi tingim pinis ol samting mi laik mekim bilong helpim yupela. Mi laik mekim gut long yupela. Mi no laik mekim nogut long yupela. Yupela i ken tingim ol dispela samting mi laik mekim, na yupela i ken wetim dispela taim i kamap. Long dispela taim bai yupela i kam klostu long mi na singaut long mi na beten long mi, na bai mi harim beten bilong yupela.”—Jeremaia 29:11, 12.
“Yupela i mas i go klostu long God, na em bai kam klostu long yupela.”—Jems 4:8.