Redim Ol Samting Bilong Memorial

Olsem wanem? Yupela i bin toksave pinis long ol man na tu long brata bilong mekim tok bilong Memorial long taim stret na ples bilong mekim Memorial? Na brata bilong mekim tok i save pinis olsem olgeta tok i no ken winim 45 minit?

Olsem wanem? Yupela ol brata i lukautim kongrigesen i makim pinis brata bilong wokim bret na baim wain? (Lukim Wok Kingdom Bilong Yumi, Mas 1993, pes 7, 8.) Yupela i stretim tok pinis long putim klinpela laplap long tebol na hamas glas na plet?

Olsem wanem? Yupela i makim pinis taim bilong klinim Haus Kingdom paslain na bihain long Memorial? Yupela i makim pinis ol brata bilong mekim wok atendan na ol brata bilong tilim bret na wain? Yupela i bung pinis wantaim ol na bai ol i save long ol wok ol i mas mekim? Ol i save wanem pasin ol i mas bihainim na bai ol inap tilim bret na wain long olgeta man na ol i no abrusim wanpela?

Yupela i stretim pinis rot bilong helpim ol lapun na ol brata sista i gat sik na bai ol inap kam long Memorial? Sapos i gat sampela bilong liklik lain i stap na ol i gat sik na i no inap kam, yupela i stretim pinis rot bilong tilim bret na wain long ol?